१२ भदौ,बुटवल । राति देखि भईरहेको बर्षातको कारण ठाउँ ठाउँमा गएको पहिरोले कालिगण्डकी करिडोर पुर्ण रुपमा अवरुद्ध भएको छ ।
गुल्मीको कालिगण्डकी गाउँपालिका १ गरगरे, वडा नं ३ राक्से र बौदेखोला स्थित कालिगण्डकी करिडोरमा सडक माथिबाट पहिरो आई सडक पुर्ण रुपमा बन्द रहेको नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय बुटवलले जानकारी गराएको छ ।
विगतका दिनहरुमा पनि पहिरोको कारण पटक पटक अवरुद्ध रहेको यो करिडोर सडकको कारण त्यहि सडक प्रयोग गरेर यात्रा गर्ने यात्रु र सवारीहरुले सास्ती भोग्दै आईरहेका छन ।
