९ भदौ, अर्घाखाँची । इम्बोस्ड नम्बर प्लेट प्रणालीको विरोधमा अर्घाखाँची जिल्ला मा युवाहरुले स्वत स्फुर्त रुपमा विरोध गरेका छन ।
आज जिल्लाको सन्धिखर्क नगरपालिका २ भक्तिटोला चोकमा स्वतन्त्र युवा नागरिकहरूले इम्बोस्ड नम्बर सिस्टम चाहिँदैन, नागरिक लुट्न पाइँदैन ! इम्बोस सिस्टम खारेज गर ! नेपाली भाषा मेट्न पाइँदैन ! लगायतका विभिन्न नारा लेखिएका प्लेकार्ड सहितको नारा जुलुस कार्यक्रम र कोण सभा सम्पन्न गरेका छन ।
स्वतन्त्र पत्रकार अर्घाखाँचीका अध्यक्ष गुरुदेव खनालको सहितको सहभागितामा सम्पन्न कार्यक्रममा स्वतन्त्र तथा समाजसेवी नागरिक हेमराज भुसालले इम्बोस्ड नंम्बर सिस्टमको विरोध गर्न पर्ने अवस्था र यसले नागरिकलाई पर्न गएको असरको बारेमा सम्बोधन गरेका थिए । विरोध प्रदर्शनमा बाक्लो उपस्थिति देखिएको थियो ।
