१३ साउन, सैनामैना । रुपन्देहीको सैनामैना १ रानिबगियामा रहेको आकृती ब्युटी एकेडेमी एण्ड मेकअप स्टुडियोले प्रमाणपत्र वितरण तथा सम्मान कार्यक्रम सम्पन्न गरेको छ ।
श्रावण १३ गते मङ्गलवार सैनामैनामा रहेको बाबरी पार्टी प्यालेसमा सम्पन्न गरिएको कार्यक्रममा उक्त ब्युटी एकेडेमीमा गत आर्थिक बर्ष २०८१/०८२ मा ब्युटी पार्लर सम्बन्धी तालिम लिएका प्रशिक्षार्थीहरुलाई तालिम सम्पन्नताको प्रमाणपत्र हस्तान्तरण सङ्गै सम्मान गरिएको हो ।
प्रमाणपत्र हस्तान्तरण कार्यक्रममा बोल्दै सैनामैना नगरपालिकाकी उपमेयर बिना रानाले आकृती ब्युटी एकेडेमीले धेरै राम्रो काम गरिरहेको र आगामी दिनमा सैनामैना नगरपालिकाले आकृती ब्युटी एकेडेमी सङ्ग सहकार्य गरेर ब्युटीसियन सम्बन्धित आवश्यक योजना ल्याउने बताइन ।
त्यस्तै सैनामैना नगरपालिकाका प्रमुख प्रशासकीय अधिकृत जिवन ज्ञवालीले तालिम प्रदायक संस्थाले यसरी दिक्षान्त समारोह राखेर सम्मान गर्नु आफैमा एउटा उदाहरणीय कार्य भएको बताए । उनले यस प्रकारको परिपाटीले प्रशिक्षार्थीहरुमा हौसला प्रदान गर्ने समेत बताए ।
´कुनै बेला ब्युटीपार्लर जाने भनेको नक्कल पार्लर जाने मान्यता थियो अहिले ब्युटी पार्लर जानु भनेको स्वास्थ्य र सरसफाई सङ्ग जोडिएको हिसावले हेर्न लागिएको छ । यो समयको माग हो´ प्रमुख प्रशासकीय अधिकृत ज्ञवालीले भने ।
कार्यक्रमा अधिकांश बक्ताहरुले आकृती ब्युटी एकेडेमी एण्ड मेकअप स्टुडियोले तालिम दिएर धेरैलाई स्वरोजगार बनाएर उदाहरणीय कार्य गरेको भन्दै प्रशंसा गरेका थिए ।
यो बर्ष मात्र आकृती ब्युटी एकेडेमी एण्ड मेकअप स्टुडियोले १ सय ५० भन्दा बढिलाई ब्युटीसियन सम्बन्धी विभिन्न प्रकारका तालिम दिइएको आकृती ब्युटी एकेडेमी एण्ड मेकअप स्टुडियोकी संचालिका मिरा शर्मा भुशालले जानकारी दिइन । उनले आर्थिक रुपमा असक्त दिदी बहिनीहरुलाई ५० प्रतिशत छुटमा तालिम दिइरहेको समेत बताइन ।
आजभन्दा १२ बर्ष पहिले स्थापना गरिएको आकृती ब्युटी एकेडेमीले हालसम्म २५ सय भन्दा बढिलाई तालिम दिएको छ ।एकेडेमीले दैनिक ५० रुपैया खर्च कटौती गरेर असहाय र आर्थिक रुपले बिपन्न बिरामीहरुलाई समेत सहयोग गर्दै आइरहेको संचालिका शर्मा भुशालले बताइन ।
एकेडेमीले बिगत केही बर्ष देखि यस प्रकारको कार्यक्रम संचालन गर्दै आइरहेको छ । कार्यक्रममा अनुशासित प्रशिक्षार्थी, लगनशिन कर्मचारी लगायतलाई पुरस्कृत सङ्गै सहभागी अतिथीहरुलाई मायाको चिनो द्धारा सम्मान समेत गरिएको थियो ।
