१० साउन रुपन्देही । रुपन्देहीको सैनामैना नगरपालिका वडा नं १ मा रहेको श्री सैनामैना मेमोरियल स्कुलले असल अभिभावकत्व कार्यशाला सम्पन्न गरेको छ । साउन १० गते ( आज ) विधालयका अभिभावक र शिक्षकहरुको सहभागितामा उक्त कार्यक्रम गरिएको हो ।
कार्यक्रममा प्रमुख अतिथी समेत रहेकी सैनामैना नगरपालिकाकी शिक्षा अधिकृत राधा बेल्बाशेले आजका बच्चाहरु प्रविधि र विविध कारणले अभिभावक भन्दा पनि बढि चेतनायुक्त छन । त्यसैले उनिहरुको मनोविज्ञान र क्षमता अनुसारको व्यहवार र स्थान दिनुपर्ने बताइन ।
कार्यक्रमका प्रमुख प्रशिक्षक चेतना विकाश फाउण्डेसनका सिइओ कमल शिल्वालले विधार्थीहरुको पहिलो पाठशाला घर र पहिलो गुरु अभिभावक भएको कारण आफ्ना छोराछोरीहरुको भविष्य कस्तो बनाउने भन्ने विधालय सङ्ग सङ्गै अभिभावकको हातमा हुने बताए ।
उनले अभिभावकको छोराछोरी प्रतिको गलत व्यहवार र आचरणले भविष्यमा ठुलो दुर्घटना निम्तिन सक्ने बताउदै त्यसतर्फ अभिभावकहरु सचेत रहन आग्रह गरेका थिए । करिव २ घण्टा ३० मिनेट लामो प्रशिक्षणमा उनले असल अभिभावक कसरी बन्ने र अभिभावकको भुमिका कस्तो हुनुपर्ने लगायतका विषयमा प्रशिक्षित गरेका थिए ।
स्कुलका प्राचार्य डि बी खत्रीले शिक्षकहरुका प्रशिक्षण पहिले पहिले चलाइएको भएता पनि यो प्रकारको शिक्षक र अभिभावक सहितको यस्तो महत्वपुर्ण र बृहत कार्यक्रम पहिलो पटक चलाएको बताए । उनले यस कार्यक्रमले अभिभावकहरुले धेरै कुराहरु सिक्ने अवसर मिलेको र सिकेका कुरा व्यहवारमा लागु गर्नुहुनेछ भन्ने विश्वास समेत व्यक्त गरे ।
कार्यक्रममा करिव ६ सय ५० बढि अभिभावकहरुको उत्साहजनक उपस्थिति रहेको विधालयले बताएको छ । हाल विधालयमा १ हजार बढि विधार्थीहरु अध्ययनरत रहेका छन । विधालयले गत एसईईको रिजल्टमा ४ जि पि ए ल्याएर उत्कृष्टता समेत प्रदर्शन गरेको थियो ।
