कमल राज पुरी
काठमाडौ । नेपाल कम्युनिस्ट पार्टी (माओवादी केन्द्र) गुल्मी- काठमाडौ सम्पर्क समन्वय समितिको पाँचौ अधिवेशन श्रावण १० गते हुनेभएको छ ।
काठमाडौंको बत्तिसपुतलीमा रहेको सगुन श्री ब्याङ्केटमा शनिवार हुने पाँचौ अधिवेशनमा प्रमुख अतिथी पुर्व प्रधानमन्त्री तथा नेकपा ( माओवादी केन्द्र) का अध्यक्ष पुष्पकमल दाहाल ( प्रचण्ड) लाई उपस्थित गराउने गरि तयारी पुरा भएको गुल्मी काठमाडौं सम्पर्क समन्वय समितिका अध्यक्ष सन्दिप भट्टराईले जानकारी दिए ।
उक्त कार्यक्रममा नेकपा ( माओवादी केन्द्र) का दोस्रो र तेस्रो तहका नेताहरु सहित सम्पर्क समन्वय प्रदेश समिति इन्चार्ज यशोधा सुबेदी,अध्यक्ष श्रीकृष्ण अधिकारी ‘बिबेक‘,लुम्बिनी प्रदेश अध्यक्ष सुदर्शन बराल , प्रदेश सभा सदस्य यमु गैरे ,गुल्मी जिल्ला इन्चार्ज सिर्जना तरामु, पुर्व जिल्ला संयोजक तथा पुर्व प्रधानमन्त्री पुष्प कमल दाहाल प्रचण्डका जन सम्पर्क विज्ञ बुद्धि जिसी, जिल्ला संयोजक तेजेन्द्र सलामी मगर, जिल्ला सचिव अशोक थापा, मालिका गाउँपालिका अध्यक्ष देविराम अर्याल, धुर्कोट गाउँपालिका अध्यक्ष भुपाल पोख्रेल, चन्द्रकोट गाउँपालिका अध्यक्ष युवराज केसी, रुरुक्षेत्र गाउँपालिका अध्यक्ष यदु ज्ञवाली र कालिगण्डकी गाउँपालिका उपाध्यक्ष मन्जु दर्लामी समेतको उपस्थित रहने आयोजकले बताएको छ ।
बिहान ९:३० बजेबाट सुरु हुने कार्यक्रममा ९ सय देखि १ हजार जना उपस्थित हुने अनुमान गरिएको छ । यसअघि सबै पालिका समन्वय समितिको भेला सकिएको छ भने पाँचौ अधिवेशनलाई भव्य बनाउनका लागि तयारी पुरा भएको गुल्मी काठमाडौं सम्पर्क समन्वय समितिका सचिव अशोक खडकाले पावर संचारलाई बताएका छन ।
