६ साउन, बुटवल । प्रहरी चौकी दोभान,पाल्पामा कार्यरत प्रहरी नायव निरीक्षक ( सई ) रुम बहादुर खत्री २०८२ साल असार महिनाको उत्कृष्ट प्रहरी घोषित भएका छन ।
जिल्ला प्रहरी कार्यालय पाल्पाले साउन ६ गते (आज) एक कार्यक्रमको विच उत्कृष्ट प्रहरी घोषणा गरेको हो । उनलाई प्रहरी सङ्गठनबाट प्राप्त जिम्मेवारी व्यावसायिक निष्ठा र सांगठनिक निति बमोजिम कुशलतापुर्वक सम्पन्न गरेको तथा कार्यालयबाट तोकिएको कामकारबाही तदारुकताका साथ तामेल गर्दै सर्वसाधारणको माझमा नेपाल प्रहरीको छवि उचो राख्ने र सांगठानिक श्रीवृद्धी गर्ने काममा भुमिका निर्वाह गरेकोले सम्मान गरिएको जिल्ला प्रहरी कार्यालय पाल्पाले जनाएको छ ।
उनलाई पाल्पा जिल्लाका कार्यालय प्रमुख ( प्रहरी उपरिक्षक ) पवन कुमार भट्टराईबाट मासिक बैठकको अवसरमा पुरस्कार तथा प्रशंसा पत्र प्रदान गरिएको हो ।
