काठमाडौंको टोखामा माइक्रोबसको ठक्करबाट स्कुटर चालक सर्लाहीका २४ वर्षीय सोनाम योन्जनको मृत्यु भएको छ ।
काठमाडौंको टोखा नगरपालिका–६ स्थित ग्राण्डी अस्पताल नजिकैको सडक खण्डमा बुधबार बिहान बा.प्र–०१–००२ ज ७३७८ नम्बरको ईभी माइक्रो बसले बा.प्र–०२–०४४ प ६४०५ नम्बरको स्कुटरलाई ठक्कर दिँदा दुर्घटना भएको प्रहरीले जनाएको छ ।
दुर्घटनामा गम्भीर घाइते भएका स्कुटर चालक योन्जनलाई तत्कालै ग्राण्डी अस्पताल लगिएको भए पनि उपचारकै क्रममा उनको मृत्यु भएको प्रहरीले बताएको छ ।
सर्लाहीको हरिवन नगरपालिका–१ बिलन्दी स्थायी घर भई हाल काठमाडौंको थलीमा बस्दै आएका मृतक सोनाम पठाओमा स्कुटर चालकको रूपमा कार्यरत थिए ।
हाल मृतकको शव ग्राण्डी अस्पतालमा राखिएको छ भने दुर्घटनाबारे थप अनुसन्धान भइरहेको ट्राफिक प्रहरीले जनाएको छ ।
