वीरगन्ज महानगरपालिका–२८ बगहीमा शुक्रबार दिउँसो ट्याक्टर दुर्घटनामा परेर दुई किशोरको घटनास्थलमै मृत्यु भएको छ । दुर्घटनामा एक जना किशोर गम्भीर घाइते भएका ।
छन ट्याक्टर दुर्घटनामा मृत्यु हुनेमा बगही गाउँका १७ वर्षीय आकाश पटेल र १७ बर्षकै गोलु पटेल रहेका जिल्ला प्रहरी कार्यालय पर्साले जनाएको छ ।
शुक्रबार दिउँसो करिब २ बजेतिर भेडाहा खोलाबाट माटो बोकेर बगहीतर्फ गइरहेको ट्याक्टर अनियन्त्रित भई सडकबाट करिब १५ फिट तल खस्दा दुर्घटना भएको हो ।
दुर्घटनामा ट्याक्टरले उनीहरूलाई च्याप्दा दुवै जनाको घटनास्थलमै मृत्यु भएको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ।
