गत चैत १५ गते राजावादीको आन्दोलनको क्रममा राजधानीको तीनकुनेमा भएको आगजनी तथा पत्रकार मृत्यु प्रकरणमा संलग्न ठहर गरिएका दुर्गा प्रसाईं सहित सात जनालाई डिल्लीबजार कारागार चलान गरिएको छ ।
काठमाडौँ जिल्ला अदालतका न्यायाधीश ध्रुवराज कार्कीको इजलासले उनीहरूलाई पुर्पक्षका लागि थुनामा राख्न आदेश दिएको हो ।
अदालतको आदेशपछि दुर्गा प्रसाईं, सरोज गौतम, डण्डपाणी रेग्मी, सुशील बराल,गोकर्ण शाही, केशव बस्नेत र जितबहादुर श्रेष्ठलाई कारागार पठाइएको काठमाडौँ प्रहरी परिसरका एक अधिकारीले जानकारी दिए ।
उनीहरू विरुद्ध आगजनी र पत्रकारको मृत्यु सम्बन्धी घटनामा अभियोजन गरिएको हो । सो दिन समाचार सङ्कलनका लागि घटनास्थलमा पुगेका पत्रकार सुरेश रजकको ज्यान गएको थियो । प्रदर्शन दुर्गा प्रसाईं र नवराज सुवेदीको नेतृत्वमा भएको थियो ।
अदालतको आदेशअनुसार सातै जना अभियुक्त डिल्लीबजार कारागारमा पुर्पक्षका लागि थुनामा रहनेछन ।
