एयर इण्डियाको बोइङ ७८७ ड्रीमलाइनर विमान अहमदाबादको सरदार वल्लभभाई पटेल अन्तर्राष्ट्रिय विमानस्थलबाट उडान भरेको केही बेरमै दुर्घटनाग्रस्त भएको छ ।
भारतिय संचार टाइम्स अफ ईन्डियाका अनुसार लण्डन जाँदै गरेको विमान शहरको मेघानी क्षेत्रमा खसेको थियो । दुर्घटनापछि कालो धुवाँको ठूलो मुस्लो देखिएको छ र तत्काल उद्धार कार्य भईरहेको जनाएको छ।
विमानमा झण्डै ३०० यात्रु अट्ने क्षमता थियो र दुर्घटनाको समयमा करिब २९० जना सवार रहेको बताइएको छ ।
अन्तर्राष्ट्रिय लामो दूरीको उडानका लागि विमानमा प्रशस्त इन्धन भरिएको थियो, जसका कारण दुर्घटनापछि ठूलो विस्फोट र आगलागी भएको छ।
दुर्घटनास्थलमा धेरै वटा दमकल र एम्बुलेन्स पठाइएको छ, उद्धार कार्य तीव्र गतिमा जारी छ । हालसम्म मृतक वा घाइतेको आधिकारिक पुष्टि भएको छैन । दुर्घटनाको कारणबारे अहिलेसम्म कुनै आधिकारिक जानकारी सार्वजनिक गरिएको छैन ।
