१७ जेठ, गुल्मी । गुल्मीको मदाने गाउँपालिका वडा नं २ बाँझकटेरीमा बाजा बजाउने तालिम र भजन कृतन तालिम सम्पन्न भएको छ ।
मदाने मदाने गाउँपालिका वडा नं २ को आयोजनामा मदाने गाउँपालिकाको आर्थिक बर्ष ०८१/०८२ को स्विकृत लघुउद्वम कार्यक्रम अन्तर्गत १२ जना महिलाहरुलाई बाजा बजाउने तालिम र १६ जना महिलाहरुलाई १० दिने भजन कृतन तालिम दिईएको वडा कार्यालयका कर्मचारी डिल्लीराज भट्टराइले बताए ।
महिलाहरुलाई सीप संग जोडेर आत्म निर्भर बनाउने उदेश्य सहित जेठ ८ देखि जेठ १७( आज )सम्म १० दिन सम्म चलेको कार्यक्रमको आज समापन गरिएको हो ।
आज मदाने गाउँपालिकाका उपाध्यक्ष सरिता खड्का, वडा नं ४ का वडा अध्यक्ष प्रेम बहादुर सेन ओली , वडा नं ६ का वडा अध्यक्ष मनिराम थापा, वडा नं ७ का वडा अध्यक्ष सन्तोष के सि, महिला संजालका अध्यक्ष सीता भुसाल,राजनितिक दलका पार्टी प्रतिनिधि तथा स्थानियहरुको सहभागिता रहेको थियो ।
वडा नं २ का वडा अध्यक्ष माधव प्रसाद भुसालको अध्यक्षतामा सम्पन्न भएको कार्यक्रमको संचालन वडा कार्यलयका कर्मचारी डिल्लिराज भट्टराईले गरेका थिए ।
