राष्ट्रिय प्रजातन्त्र पार्टी (राप्रपा)का तीन जना सांसदहरूलाई दिइएको सुरक्षा (पर्सनल सेक्युरिटी अफिसर (पिएसओ) फिर्ता लिइएको छ।
राप्रपाका प्रमुख सचेतक ज्ञानेन्द्र शाही, सांसद ध्रुवबहादुर प्रधान र दीपक सिंहको पिएसओ एकैपटक फिर्ता गरिएको हो ।
प्रमुख सचेतक शाहीले आफ्नो सुरक्षा फिर्ता भएको पुष्टि गर्दै सांसद प्रधान र सिंहको पनि पिएसओ फिर्ता गरिएको जानकारी दिए । पिएसओ फिर्ता पश्चात आफुलाइ दिइएको सुरक्षा किन हटाइएको होभन्नेबारे कुनै जानकारी नदिइएको एक सांसदले बताए ।
ज्ञानेन्द्र शाही राप्रपाका प्रमुख सचेतक हुन् भने दीपक सिंह प्रतिनिधिसभा अन्तर्गतको पूर्वाधार विकाससमिति सदस्य हुन्। ध्रुवबहादुर प्रधान पूर्व प्रहरी महानिरीक्षक (आईजिपी) हुन । हाल उनीहरूको सुरक्षा एकैचोटि फिर्ता गरिएको छ, जसबारे स्पष्ट कारण सार्वजनिक गरिएको छैन।
