नेकपा एमाले निकट युवा सङ्गठन राष्ट्रिय युवा संघ नेपालको भावी नेतृत्व चयनका लागि मतदान सुरु भएको छ । पोखरा सभागृहमा मंगलबार बिहान १० बजेबाट मतदान सुरु गरिएको हो ।
भावी नेतृत्वका लागि निवर्तमान अध्यक्ष क्षितिज थेबे र महासचिव सुमन पुरीले आ-आफ्नो प्यानल खडा गरेर मैदानमा उत्रिएका हुन् ।आज भइरहेको निर्वाचनका लागि ४२ इलेक्ट्रिक मेसिन राखिएको छ भने प्रदेश पिच्छे फरक फरक मतदान बुथ राखिएको छ ।
थेवे प्यानलबाट उपाध्यक्षमा महाराज गुरुङ र विनय शाह, महासचिवमा महेश चौलागाईंको उम्मेदवारी छ । पुरी प्यानलबाट उपाध्यक्षमा प्रकाश गौतम र पर्वत भण्डारी, महासचिवमा कुबेर अधिकारीको उम्मेदवारी छ ।
अपराह्न ४ बजेसम्म मतदान जारी रहने र लगत्तै मतगणना सुरु हुने बताइएको छ । मतगणना सकिएपछि निर्वाचन परिणाम घोषणा हुनेछ।
