२ जेष्ठ बुटवल । सेवा र विकासका लागि युवाको समन्वय र ओरेगन नेपाली समाज अमेरिकाको आर्थिक सहयोगमा बुटवलमा रहेको श्री कालिका मानवज्ञान माद्यामिक विद्यालयमा एक समारोह विच छात्रबृत्ती प्रदान गर्ने कार्यक्रम सम्पन्न भएको छ ।
कार्यक्रममा कक्षा ९ मा अध्ययनरत छात्रा प्रमिसा अधिकारी र रश्मि बन्जाडेलाई छात्रवृत्ति प्रदान गरिएको हो । कार्यकममा स्वागत मन्तब्य राख्दै संस्थाका सल्लाहकार एवम एम्स कलेजका क्यामस प्रमुख दीपक ढकालले युवा विद्द्यार्थिहरुलाई शिर्जनात्मक र सेवा कार्यमा अभिप्रेरित गर्न छात्रबृती प्रदान गरिएको बताए ।
कार्यक्रममा रुपन्देही जिल्ला संयोजक सुभेन्द्र प्रसाद यादवले सानो सानो रकम सङ्कलन गरेर संस्थाले अहिले सामुदायिक विद्यालयका उत्कृष्ट विद्यार्थिहरुलाई छात्रवृती प्रदान गर्ने काम भैरहेको र आगामी दिनमा शैक्षिक सामाग्री वितरण गर्ने कार्यक्रम गरिने बताए ।
कार्यक्रममा विद्यालय व्यवस्थापन समिती अध्यक्ष नित्यानन्द ज्ञवाली , प्रधानाध्यापक दिनेश थापा,सेवा र बिकासका लागि युवा लुम्बिनीका सल्लाहकार एवम बुटवल नगर अध्यक्ष कमल गौतमले सेवा र बिकासका लागि युवा संस्थाले गरेका कार्यहरुको प्रसंसा गर्नुको साथै आगामी कार्यक्रमको सफलताको कामना गरेका थिए ।
संस्थाका पदाधिकारिहरु, विद्यालयमा अध्यापनरत शिक्षक, शिक्षिका र विद्यार्थीहरुको उपस्थित रहेको कार्यक्रमा प्रति व्यक्ति १३ हजार २ सयका दरले छात्रबृत्ती प्रदान गरिएको थियो ।
