अनिल नेपाली
अर्घाखाँची जिल्लाको सन्धिखर्क नगरपालिका वडा नं १/ २ का टोल सुधार समितिका पदाधिकारी तथा सदस्यलाई बालश्रम, बहुविवाह, बालविवाह, दाईजो, बौक्सी,छाउपडी प्रथासँग सम्बन्धित घरेलु हिंसा अन्त्यका लागि बहस पैरवी तथा चेतनामूलक अभियानको उद्धघाटन कार्यक्रम सम्पन्न भएको छ ।
कार्यक्रममा सन्धिखर्क नगरपालिकाका प्रमुख प्रशासकीय अधिकृत खिमानन्द भुसालले मन्तब्यराख्दै समाजमा रहेका बिभेदजन्य प्रथाको अन्त्यका लागि सबै लाग्नुपर्ने बताएका थिए ।
कार्यक्रममा वडा नं १ का अध्यक्ष माधब श्रेष्ठ पत्रकार महासंघका अध्यक्ष गणेश खनाल लगायतले शुभकामना मन्तब्य राखेका थिए ।
वडा नं १/२ का अध्यक्ष पशुपति ढकालको अध्यक्षता,उपाध्यक्ष हरि प्र. दमासेको स्वागत मन्तब्य, सचिव रिता पौडेलको सञ्चालनमा सम्पन्न कार्यक्रममा उल्लेखनीय सहभागी रहेको थियो । दुई दिनसम्म चल्ने कार्यक्रममा विविध बिषयमा प्रशिक्षण दिईने सन्धिखर्क नगरपालिका महिला शाखा प्रमुख बेलकुमारी परियारले बताईन ।
