काठमाडौं महानगरपालिका–२८ स्थित मखन टोलमा भएको भीषण आगलागीमा एक महिलाको मृत्यु भएको छ।
आगलागीका कारण एक महिलाको ज्यान गएको काठमाडौं प्रहरी प्रवक्ता अपिलराज बोहराले जानकारी दिएका छन । हालसम्म मृतक महिलाको पहिचान खुल्न सकेको छैन । सुरज आर्केड पछाडि अवस्थित दयाराम श्रेष्ठको घरमा आगलागी भएको हो ।
आगो नियन्त्रणमा लिन नेपाली सेना, सशस्त्र प्रहरी बल, नेपाल प्रहरी तथा महानगर प्रहरी खटिएका छन्। दमकलको सहायतामा आगो निभाउने प्रयास जारी छ । आगलागीबाट कति धनमालको क्षति भएको छ भन्नेबारे विस्तृत विवरण आउन बाँकी छ।
