काठमाडौंमा चलिरहेको शिक्षक आन्दोलनबाट फर्किदा शिक्षकहरू चढेको बस दुर्घटना भएको छ । दुर्घटनामा २२ जना घाइते भएका छन । एक जनाको अवस्था गम्भीर छ ।
आज बिहान ५:३० तिर काठमाडौंमा झापा आइरहेको प्रदेश १–०१–००१–ख ४२ नम्बरको रात्रिबस शिवसताक्षी नगरपालिका–९ स्थित पूर्वपश्चिम राजमार्गको दूधे खण्डमा दुर्घटना भएको जिल्ला प्रहरी कार्यालय झापाले जनाएको छ ।
बस अनियन्त्रित भई दुर्घटना भएको र बसका चालक महेन्द्र कन्दङ्वालाई नियन्त्रणमा लिएको प्रहरीले जनाएको छ ।
घाइतेहरुको विर्तामोडस्थित विर्तासिटी हस्पिटल र बिएन्डसी हस्पिटलमा उपचार भइरहेको छ । सबै आन्दोलनबाट फर्किएका शिक्षक रहेका छन् । घाइते एक जनाको अवस्था गम्भीर छ ।
