कक्षा १२ को परीक्षा तोकिएकै मिति ११ वैशाख मै हुने भएको छ । मंगलबार बिहान परीक्षा बोर्ड सानोठिमीमा बसेको बोर्ड बैठकले यस्तो निर्णय गरेको हो । बोर्डले प्रमुख जिल्ला अधिकारीलाई परीक्षा सञ्चालन गर्न पत्राचार गर्ने जनाइएको छ ।
शिक्षकले नमाने अन्य सरकारी कर्मचारी राखेर भए पनि परीक्षा सञ्चालन गर्ने बैठकको निर्णय भएको बोर्डका परीक्षा नियन्त्रक कृष्ण शर्माले जानकारी दिए ।
८ बजेदेखि बसेको बोर्डको बैठक सकिएको छ । ‘संघीय मामिला तथा सामान्य प्रशासन मन्त्रालय मार्फत स्थानीय निकालाई भन्ने जिल्लामा परीक्षा समन्वय समिति छ, शिक्षा इकाइ छ,प्रदेशमा बोर्डको कार्यालय छ, सबै मिलेर केन्द्राध्यक्ष खटाएर परीक्षा हुन्छ ।”नियन्त्रक शर्माले भने ।
