८ वैशाख रुपन्देही । रुपन्देहीको शुद्धोदन गाउँपालिका अन्तर्गत रहेका दानव नदी र तिनाउ नदीको विभिन्न घाटहरुमा अनुगमन गरिएको छ।
आर्थिक बर्ष २०८१/८२ मा नदीजन्य पदार्थ ढुङ्गा, गिट्टी, बालुवा उत्खनन् विक्री तथा व्यवस्थापनको लागि जिल्ला अनुगमन समितिका संयोजक तथा जिल्ला समन्वय प्रमुख उमाकान्त चपाईको संयोजकत्वमा अनुगमन गरिएको शुद्धोदन गाउँपालिका प्रमुख प्रशासकीय अधिकृत विष्णु बहादुर घर्तीले बताउनुभयो ।
अनुगमनमा शुद्धोदन गाउँपालिका अध्यक्ष विष्णुप्रसाद बस्याल,शुद्धोदन गाउँपालिका उपाध्यक्ष शान्तादेवी ज्ञवाली,रुपन्देही जिल्लाकाप्रमुख जिल्ला अधिकारी बासुदेव घिमिरे, रुपन्देहीका जिल्ला प्रहरी कार्यालय प्रमुख रन्जित सिंह राठोर,सशस्त्र प्रहरी बल प्रमुख मेघराज जोशी,डिभिजन बन कार्यालय प्रमुख प्रविण विडारी,जिल्ला समन्वय अधिकारी कृष्ण प्रसाद खनाल,शुद्धोदन गाउँपालिका प्रमुख प्रशासकीय अधिकृत विष्णु घर्ती,रा.अ. उप निर्देशक हरिष विष्ट, वडा अध्यक्षहरु, पत्रकार लगायतको उपस्थिति रहेको थियो ।