८ वैशाख रुपन्देही । रुपन्देहीको लुम्बिनी सांस्कृतिक नगरपालिका–२ अर्दौली स्थित दानव नदीमा पौडी खेल्ने क्रममा १ जनाको मृत्यु ३ जना बेपत्ता भएका छन ।
सोमबार दिउँसो नदीमा बेपत्ता बालकहरुको खोजी कार्यको लागि प्रहरी सहित सशस्त्र प्रहरी खटिएको छ । पौडी खेल्ने क्रममा बेपत्ता मध्ये १ जनाको शव फेला परेको र उक्त शवको पहिचान हुन बाँकी रहेको जिल्ला प्रहरी कार्यालय रुपन्देहीका सुचना अधिकारी (प्रहरी नायव उपरिक्षक) सुरज कार्कीले बताए ।
त्यस्तै बेपत्ता भएकाहरुमा सोही ठाउँ बस्ने १३ वर्षीय उमेश यादव, १४ वर्षीय राज यादव र १२ वर्षीय मुनु हरिजन छन् । उनीहरु सो नदीमा पौडी खेल्ने क्रममा आज दिउँसो करीव साढे १२ बजे बेपत्ता भएको कार्कीले बताए ।
घटनाबारे जानकारी पाउना साथ सशस्त्र प्रहरी बल नेपाल बोर्डर आउट पोष्ट बयरघाट बाट सशस्त्र प्रहरी निरीक्षकको कमाण्डमा विपद् व्यवस्था तालिम प्राप्त सुरक्षा फौज र नेपाल प्रहरीको टिम घटनास्थल पुगेर उनीहरुको खोजी कार्यमा परिचालन भएको प्रहरीले बताएकोछ ।
