८ वैशाख रुपदेही – रुपन्देहीको सैनामैना १ मा सैनामैना नमुना पार्क निर्माण हुने भएको छ । निर्माणाधिन पार्कको नगर प्रमुख फणेन्द्र प्रशाद शर्माले अनुगमन गरेका छन ।
पार्क निर्माणको लागी सैनामैना नगपालिकाबाट १० लाख र सैनामैना १ को वडा कार्यालय बाट ४ लाख गरि कुल १४ लाख बजेटमा पार्क निर्माण हुन लागेको नमुना पार्क निर्माण समितिका सचिव सुशील भण्डारीले बताए ।
पार्क निर्माणको निम्ती पार्क निर्माण समिति गठन गरि निर्माण कार्यलाइ अगाडी बढाइएको सचिव भण्डारीले बताए । जसको अध्यक्षमा नारायण पाण्डे, उपाध्यक्षमा फटिक के सि,सचिब सुशील भण्डारी लगायत रहेको र यो पार्क निर्माण पश्चात यहाँका स्थानियहरुलाई व्यायामशाला, पिकनिक स्पोर्ट, बृद्ध र बच्चाबचीहरुको लागी मनोरञ्जन स्थलको रुपमा रहने सचिव भण्डारीको भनाइ छ ।
