काठमाडौं । आज पनि शिक्षकहरुको आन्दोलन बिहान ९ बजेदेखि शुरु भएको छ । पर्याप्त पूर्व सूचना र समन्वयको अभाव बिच कार्यालय समयमै शिक्षकहरू सडकमा उत्रिएपछि ट्राफिक व्यवस्थापन जटिल बनेको छ । जसको कारण माइतीघर–नयाँ बानेश्वर सडकखण्ड बन्द भएको छ ।
दिउँसो राप्रपाले प्रदर्शन गर्ने सूचना पाएपछि अकस्मात् आज पनि आन्दोलनको कार्यक्रम बिहानै गर्नुपरेको नेतृत्वले बताएको छ ।
सडक अवरुद्ध हुँदा कार्यालय जाने कर्मचारी सहित स्कुल, कलेजका विद्यार्थीलाई आवतजावत गर्न कठिन भएको छ । वैकल्पिक रुटका रूपमा नयाँ बानेश्वरबाट थापागाउँ हुँदै हनुमानस्थानको रुट तय गरिएको उपत्यका ट्राफिक प्रहरी कन्ट्रोलले जनाएको छ ।
