शिव सुवेदी
नेपाल प्रहरीका ६ जना डीआईजीहरुलाई अतिरिक्त महानिरीक्षक (एआईजी) मा बढुवा गर्न सिफारिस गरिएको छ । सिफारिस सूचीको पहिलो नम्बरमा चन्द्र कुवेर खापुङ छन् ।
बिहीबार बसेको बढुवा समितिको बैठकले लालमणी आचार्य, कृष्णहरी शर्मा पोखरेल, दानबहादुर कार्की, राजन अधिकारी र डा.मनोज कुमार केसीलाई बढुवा सिफारिस गरेको हो ।
एआईजीमा बढुवा सिफारिस भएका खापुङ, आचार्य र पोखरेल आईजीपी दीपक थापाकै ब्याचमेट हुन् । उनीहरू २०५२ कार्तिक २७ मा प्रहरीमा प्रवेश गरेर २०८० वैशाख ६ माडीआइजी भएका थिए । चौथो नम्बरमा बढुवाको सिफारिसमा रहेका कार्की आफ्नो ब्याचको पहिलो नम्बरमा छन ।
