सैनामैना नगरपालिकाले सञ्चालन गरेको आधारभूत तहको अन्तिम परीक्षा (BLE) मा सैनामैना मेमोरियल स्कुल उत्कृष्ट बन्न सफल भएको छ ।
सैनामैना मेमोरियल स्कुलको कक्षा ८ का कुल ३३ जना सहभागी भएको आधारभूत तहको अन्तिम परीक्षा (BLE) मा GPA-४ सहित २ जना, A+ ११ जना, A १४ जना र B+ ६ जना गरी पालिकामै उत्कृष्ट नतिजा ल्याउन सफल सफल भएको विद्यालयका प्राचार्य डि.बि. खत्रीले बताउनुभयो ।
२०५७ सालमा स्थापना भएको सैनामैना मेमोरियल स्कुलमा हाल १० कक्षा सम्म सञ्चालन भैरहेको छ । १ हजार बढि विधार्थी र ६५ जना शिक्षक तथा कर्मचारी रहेको यो विधालयमा शैक्षिक तथा अतिरिक्त क्रियाकलापमा उत्कृष्टता कायम गर्दै आइरहेको छ ।
सैनामैना मेमोरियल स्कुलमा शैक्षिक सत्र २०८२ का लागि कक्षा प्ले ग्रुपदेखि कक्षा ९ सम्म सिमित सिटका लागि भर्ना खुलेको विद्यालयका प्राचार्य डि.बि. खत्री जानकारी गराउनुभयो ।
