अनिल खत्री
२६ चैत, गुल्मी । गुल्मी महोत्सवको वैशाख ५ गतेदेखि सञ्चालन हुने भएको छ । यसअघि चैत २९ गतेदेखि वैशाख १३ गतेसम्म हुने भनिएको थियो ।
मंगलवार पत्रकार भेटघाट गरेर मेला तयारी नपुगेको भन्दै वैशाख ५ गतेदेखि वैशाख १७ गतेसम्म हुने भएको गुल्मी चेम्बर अफ कमर्सका अध्यक्ष दुर्गाप्रसाद पाण्डेले बताए । गुल्मी चेम्बर अफ कमर्शको तम्घास गुल्मीको आयोजनामा दोस्रो गुल्मी महोत्सव–२०८२तथा कृषि, पर्यटन, ब्यापार एवम् औद्योगिक मेला वैशाख ५ गतेदेखि वैशाख १७ गतेसम्म सम्म संचालन हुने मेलाको तयारीलाई तिव्र पारिएको जनाएको छ ।
महोत्सवको मिति नजिकिन थालेसँगै महोत्सव हुने स्थल तम्घासको कारागार नजिकै नुनथलामा व्यापारिक स्टल निर्माणको काम पनि सुरु भएको छ ।महोत्समा राखिने रमाइलो मेला पिङ्ग लगायत बिभिन्न मनोरञ्जनात्म सामाग्रीहरु पनि महोत्सव हुने स्थल नुनथलामा तयार गरिदै गरेको महोत्सव मुल आयोजक समितिका अध्यक्ष पाण्डेले बताए ।
महोत्सव सम्पन्न गर्न बिभिन्न गठित २९ वटा उपसमितिहरुले आ–आफ्ना महोत्सव लक्षित गतिबिधीलाई तिव्र पारेसँगै महोत्सवको तयारी अगाडी बढेको आयोजकले जनाएको छ । गुल्मी महोत्सवमा साँस्कृतिक कार्यक्रमहरुसँगै जिल्ला स्थित उत्पादन हुँने कृषि जन्यसमाग्रीहरु,मनोरञ्जनात्म पिङ्ग लगायत बिभिन्न औद्योगित क्षेत्रबाट उत्पादित सामाग्रीहरुको बिक्री बितरणको लागी राखिने भएको छ ।
मेलामा ३०० वटा स्टल रहने भएका छन् । कुल स्टलमध्ये कृषिलाई उच्च प्रथामिकता दिएर राख्ने काम भइरहेको आयोकले जनाएकोछ ।
महोत्सवमा जिल्लामा उत्पादन हुने कफी, सुन्तला, तरकारी, माहुरी, च्याउ लगायतका अरू कृषिजन्य सामग्री तथा सेरामीक्स, बाँस तथा निगालोबाट बन्ने सामग्रीहरू महोत्वमा बिशेष प्रथामिकता दिइएको छ । बिभिन्न औधोगित क्षेत्रबाट उत्पादित सामाग्रीहरुसँगै गुल्मी जिल्लामा बिभिन्न जाती बिशेष रहेका खाना परिकारहरु, बिभिन्न सँस्कृति झल्कीने झाँकीहरु पनि प्रर्दशन गरिने भएको छ ।
मेलामा १ सय वढि नेपालका ख्याति प्राप्त राष्ट्रिय,हास्य व्यग्य कलाकारहरुको प्रस्तुति रहने भएको छ । १३ दिनसम्म चल्ने मेलामा करिब डेढ लाखले अवलोकन गर्ने अनुमान आयोजकले गरेको छ ।
