२१ चैत्र बुटवल । बुटवल १३ रुपन्देहीमा रहेको बेबी स्टार मन्टेस्वरी स्कुलले आज एक कार्यक्रमको बिच ग्रेजुएसन ( Graduation ) तथा बिदाइ ( Farewell ) कार्यक्रम सम्पन्न गरेको छ ।
आज भन्दा ६ बर्ष पहिले २०७६ सालमा ८ जना विधार्थी र ३ जना शिक्षक बाट सुरु गरिएको यो स्कुलमा हाल ३५० वरिपरी विधार्थी र २९ जना कर्मचारी तथा शिक्षक रहेका छन ।
पिजी देखि ३ कक्षा सम्म पढाइ भैरहेको यो स्कुलमा आज प्रि प्राइमेरी पुर्व ( प्राथमिक ) तह बाट प्राइमेरी ( प्राथमिक ) तहमा ५८ जना विधार्थी ग्रेजुएसन भएको बेबी स्टार मन्टेस्वरी स्कुलकी प्राचार्य गिता बन्जाडेले बताउनुभयो ।
कार्यक्रममा बोल्दै प्राचार्य बन्जाडेले स्थापना कालदेखि हालसम्म छोटो समयमै यो सफलता पाउनुमा अभिभावक, शिक्षक, कर्मचारी, विधार्थी र सुभेच्छुक सबैको सहयोग रहेको समेत बताउनुभयो ।
कार्यक्रममा बुटवल उप–महानगरपालिकाका शिक्षा शाखा प्रमुख टिकाराम पन्थीले यो विधालयले यति छोटो समयमा यति धेरै प्रगति गरेर यस टोलकै गहनाको रुपमा स्थापित भएको बताउनुभयो ।
विभिन्न नाचगान रमनोरञ्जन सहित सम्पन्न गरिएको यो कार्यक्रममा विधार्थीहरुले नृत्य प्रस्तुत गर्दै आफ्नो प्रतिभा प्रस्फुटन गरेका थिए भने विधालयले ग्रेजुएसन र विदाइ हुने विधार्थी र विधार्थीका अभिभावकहरुलाइ सम्मान समेत गरेको थियो ।
कार्यक्रममा बुटवल उप–महानगरपालिकाका शिक्षा शाखा प्रमुख टिकारामपन्थी,युनिभर्सल ट्रेनिङ्ग सेन्टरकी अध्यक्ष लक्ष्मी भुशाल, अभिभावक, शिक्षक, कर्मचारी, विधार्थी लगायतको सहभागिता रहेको थियो ।
