माध्यामिक शिक्षा परीक्षा (एसइई) आजदेखि सुरु भएको छ ।आज पहिलो दिन अनिवार्य अंग्रेजी तथा संस्कृत वेद विद्याङमतर्फ अनिवार्य संस्कृत रचना र मदरसातर्फ अनिवार्य अरेबिक भाषा विषयको परीक्षा हुँदैछ ।
यस वर्षको एसइई आजदेखि सुरु भएर यही चैत १९ गतेसम्म सञ्चालन हुनेछ । परीक्षा बिहान ८ देखि ११ बजेसम्म सञ्चालन हुने परिक्षामा यसपटक ५ लाख १४ हजार ७१ जना विद्यार्थी परीक्षामा सहभागी हुन लागेको राष्ट्रिय परीक्षा बोर्ड परीक्षा नियन्त्रण कार्यालयले बताएको छ ।
गत वर्ष २०८० को एसइई परीक्षामा ४ लाख ६४ हजार ७८५ जना विद्यार्थी सहभागी भएका थिए ।यस वर्षको परीक्षामा विद्यार्थीको सङ्ख्या ४९ हजार २८६ जना बढेको छ ।