६ चैत्र ३०८१ बुटवल । एम्स कलेज बुटवलले आफ्ना विधार्थीहरुलाई वित्तिय क्षेत्रका अवसरहरुको पहिचान र प्राप्तिका लागि Global Money Week 2025 को अवसरमा प्रशिक्षण कार्यक्रम सुरु गरेको छ ।
कलेजले स्नातक तह बाणिज्य शंकायमा अध्ययनरत विद्यार्थीहरुलाई नेपाल राष्ट्र बैंक, शिद्दार्थनगर भ्रमण गराई बैंकका कार्य गतिविधिहरुका बारेमा प्रशिक्षित गराईएको छ ।
सो अवसरमा नेपाल राष्ट्र बैंक, भैरहवाका प्रमुख रमेश आचार्यले राष्ट्र बैंकका गतिविधि, वित्तिय कारोबार, सफा नोट, बचत, लगानी लगायत वित्तिय क्षेत्रका चुनौतिहरु जस्ता विषयमा सहभागी विधार्थीहरुलाई अभिमुखीकरण गर्नुको साथै उनीहरुका जिज्ञासाहरुलाई समाधान गर्नुभएको थियो ।
त्यसगरी दोश्रो दिन भएको कार्यक्रममा नेपाल विमा प्राधिकरण, लुम्बिनी प्रदेशका पुर्व प्रदेश प्रमुख पुर्ण बहादुर थापा, नव नियुक्त प्रदेश प्रमुख जानुका अर्याल एवं सहायक निर्देशक निर्मल खनालले विमा कम्पनीका भूमिका, कम्पनिबाट प्राप्त हुने सेवा एवं लाभ, यस क्षेत्रका अवसर र चुनौतीका बहुआयामिक विषयमा सहभागीहरुलाई जानकारी गराउनुभएको थियो ।
त्यसैगरी युवा विधार्थीहरुलाई विमाकोक्षेत्रमा प्रवेशगरि वृत्ति विकाश गर्न उत्प्रेरित गर्नु भयो । कार्यक्रमा स्कलर्स होम बोर्डिङ्ग स्कुलका प्रिन्सिपल बाबुराम बन्जाडेले विधार्थीहरुलाई यस्ता कार्यक्रमहरुबाट धेरै कुरा सिक्न सकिने हुनाले सक्रिय रुपमा सहभागी हुन उत्साहित वनाउनु भयो ।
कार्यकमको संयोजन गर्दै कलेज प्रमुख दीपक ढकालले आगामी दिनमा राष्ट्र बैंक र बिमा प्राधिकरण संग सहकार्य गर्दै वित्तिय सचितना, सफा नोट सचेतना लगायत बचत र लगानी गर्ने वानीको विकाश, समाजमा विमाको सचेतना फैलाउने जास्ता सामाजीक कार्यहरुमा विधार्थीहरुलाई सहभागी गराई गर्ने योजनामा रहेको जानकारी गराउनुभयो ।
यस्ता कार्यले उनीहरुमा सामाजिक उत्तरदायित्व महसुस हुनुको साथै पेशागत जीवनमा परिपक्वता आउने बताउनु भयो । कार्यक्रममा विधार्थी लगायत प्राध्यापकहरु यज्ञ न्यौपाने, सागर भुषाल, सुरज शाक्य, गोविन्द शर्मा, भोजराज पंगेनी, बासु बेलबासे लगायतको उपस्थिति रहेको थियो ।
