गुल्मीको मदाने गाउँपालिका १ अग्लुङ्गमा रहेको अग्लुङ्ग माध्यमिक विद्यालयमा बिगतका बर्षहरुमा जस्तै यस वर्ष पनि सो छात्रवृत्ति समारोह भव्य तरिकाले सम्पन्न गरिएको छ ।
द सनराइज युथ क्लबका अध्यक्ष बिवश इन्द्र जित बिस्टको अध्यक्षतामा सम्पन्न कार्यक्रममा , मदाने गाउँपालिका वडा नं १ का वडा अध्यक्ष सुशील चन्द, वडा सदस्य युवराज चन्द, बिष्णा बस्नेत र एकीकृत बिकास संघ युनेसिनका सर्बोच्च पार्सद अग्निधर चन्द सहित विभिन्न विद्यालयका प्रधानाध्यापक, शिक्षक ,शैक्षिक व्यक्तित्वहरु, सामाजिक व्यक्तित्वहरु लगायतको उपस्थिति थियो ।
कार्यक्रममा अग्लुङ्ग भित्र रहेका सामुदायिक विद्यालयहरुलाई पुर्व सुचना बमोजिमका छात्रवृत्ति कोटामा विद्यार्थीहरुलाई छात्रवृत्ति प्रदान गरिएको छ ।
श्री अग्लुङ्ग माध्यमिक विद्यालयबाट मनिषा बि.क, कबिर चन्द र सुसान बि.क , रघुफेदी प्रतिमान निम्न माध्यमिक विद्यालय बाट वर्षा रोका, प्रशन बिष्ट र लिले घर्ती यस्तै ओख्लेदह आधारभूत विद्यालयबाट अस्मिता कुँवर, निरु पुन मगर र नेशनल शकारी, बालबिकास प्राथमिक विद्यालयबाट मनिषा बोहोरा र बिक्रम ओली, घडेरी प्राथामिक विद्यालय बाट सुगम सेन र सारदा कुँवर त्यस्तै जनज्योति प्राथमिक विद्यालयबाट बिष्णा चन्द र श्रीषा बिष्टले उक्त छात्रवृत्ति पुरस्कार प्राप्त गर्न सफल भएको द सनराइज युथक्लबका अध्यक्ष बिवश इन्द्र जित बिष्टले बताए ।
पुरस्कृत हुने विभिन्न विद्यालयका १५ जना विद्यार्थीहरुलाइ प्रशंसा पत्र र जनही रु ३००० का दरले पुरस्कार सहित सम्मान गरिएको अध्यक्ष बिष्टले जानकारी दिए ।
कार्यक्रम क्लबकी उपाध्यक्ष बिष्णु चन्दको स्वागतमन्तब्य, क्लबका संस्थापक अध्यक्ष महेन्द्र जि सी को सञ्चालनमा सम्पन्न गरिएको कार्यक्रममा यो कार्यक्रम सफल पार्न पुरस्कार रकम स्थापना गर्ने बेलायती नागरिक माइक प्रिशस् लाई सम्झना सँगै धन्यवाद ,यस्तै डा. गौतम न्यौपाने गौमुखी विकास क्षेत्रप्रतिष्ठानका संस्थापक डा. गौतम न्यौपाने सँगै सहकार्य गर्ने एकीकृत विकास संघ, अग्लुङ्ग माध्यमिक विद्यालय साथै विभिन्न विद्यालयहरुलाई तथा विभिन्न क्षेत्रबाट सहयोग गर्ने सहयोगी व्यक्ति र संस्थाहरुलाई क्लब परिवारको तर्फबाट धन्यवाद ब्यक्त गरिएको अध्यक्ष बिष्टले बताए ।
