प्रधानमन्त्री केपी शर्मा ओलीले अपरान्ह आज ४ बजे मन्त्रिपरिषद बैठक बोलाएका छन । बैठक प्रधानमन्त्रीको सरकारी निवास बालुवाटारमा बस्ने प्रधानमन्त्रीको सचिवालयले जनाएको छ।
आजको बैठकमा नेपाल प्रहरीमा आजबाट रिक्त हुन लागेको प्रहरी महानिरीक्षक (आईजीपी )नियुक्ति गर्ने संभावना रहेको छ । नेपाल प्रहरीका आईजीपी वसन्त बहादुर कुँवर आजदेखि अवकाशमा जाने भएपछि आज बस्ने मन्त्रिपरिषद बैठकले नयाँ आईजीपी नियुक्त गर्ने बताइएको छ ।
प्रहरीको ३१ औं आईजीपीको दाबेदारमा एआईजीहरू दीपक थापा,सुदीप गिरी र टेकबहादुर तामाङ प्रतिस्पर्धी छन । एआईजी ३ जना नै २०५२ भदै १९ गते प्रहरी सेवामा प्रवेश गरेका हुन । थापा हाल केन्द्रीय अनुसन्धान ब्युरो (सीआईबी) प्रमुख हुन । गिरी राष्ट्रिय प्रहरी प्रशिक्षण प्रतिष्ठान प्रमुख र र तामाङ उपत्यका प्रहरी कार्यालय प्रमुखको जिम्मेवारीमा छन ।
