३ चैत्र, बुटवल । रुपन्देहीको सैनामैना नगरपालिका ४ बाट लागु औषध सहित एक जना पक्राउ परेका छन ।
यही चैत्र २ गते गोप्य सुचनाको आधारमा इलाका प्रहरी कार्यालय रन्यौराका कार्यालय प्रमुख प्रहरी निरीक्षक आदित्य राज विष्टको कमाण्डमा खटिएको प्रहरी टोलीले रुपन्देहीको सैनामैना ४ निवासी २१ बर्षिय राम मल्लाहलाइ पक्राउ गरिएको इलाका प्रहरी कार्यालय रन्यौरामा कार्यालय प्रमुख आदित्य राज बिष्टले बताउनुभयो ।
प्रहरी निरिक्षक बिष्टका अनुसार “पक्राउ गरिएका मल्लाहको साथबाट प्रहरिले ( ५६०मिलिग्राम ) Brown Sugar बरामत गरेको र उनलाइ थप अनुसन्धानको लागि इलाका प्रहरी कार्यालय, बुटवल मार्फत रुपन्देही जिल्ला अदालतबाट म्याद थप गरि थप अनुसन्धानको काम भइरहेको छ ।”
प्रहरी निरीक्षक आदित्य राज विस्ट इलाका प्रहरी कार्यालय रन्यौरामा कार्यालय प्रमुख भै आए पश्चात हालसम्म ४ जना ब्यक्तिलाइ पक्राउ गरि ब्राउन सुगरमा अनुसन्धानको लागि इप्रका बुटवल पठाएको बताइएको छ । प्रहरी निरीक्षक विष्ट आफ्नो एरियामा लागू औषध दुर्व्यसनी नियन्त्रण गर्नको लागि सामुदायिक प्रहरी साझेदारी कार्यक्रम मार्फत समेत सकृय रहेको पाइयको छ ।
