मदाने गाउँपालिका ३ गुल्मी निवासी हाल सैनामैना नगरपालिका वडा नं १ रानिकुवा बसाई सरि आएका मते सुनारको परिवारलाई गुल्मेली एकता समाज सैनामैना १ ले आर्थिक तथा जिन्सी सहयोग हस्तान्तरण गरेको छ ।
क्यान्सर रोग बाट ग्रसित क्यान्सरको उपचार गर्दै गर्दा उनको मृत्यु भए पछि उनको परिवार समस्यामा परेको थियो । उनको पारिवारिक समस्यालाइ मध्यनजर गर्दै थोरै भए पनि सहज होस भनि आर्थिक तथा जिन्सी सहयोग गरिएको गुल्मेली एकता समाज सैनामैना १ का अध्यक्ष दीर्घनारायण पाण्डेले बताउनुभयो ।
मृतक सुनारका ८ बर्षको छोरा ,१ छोरी र श्रीमती छन । उनको परिवारको आर्थिक अवस्था अति कमजोर भएको र कृया खर्च समेत अभाव भएको हुँदा विभिन्न समाजसेवी तथा सम्पुर्ण गुल्मेलीहरुको तर्फबाट सहयोग प्रदान गरिएको अध्यक्ष पाण्डेले बताउनुभयो ।
“मानवताको सेवा नै जिवनको सर्वोत्तम कार्य हो” भन्ने मुल मन्त्रका साथ अघि बढेको गुल्मेली एकता समाज सैनामैना १ ले स्थापना काल देखि नै बिभिन्न खालका सामाजिक कार्य गर्दै अगाडी बढीरहेको अध्यक्ष पाण्डेले बताउनु भयो ।
आज गुल्मेली एकता समाज सैनामैना १ का पदाधिकारी तथा सदस्यहरु, सामाजिक ब्यक्तिहरुको समेत सहभागितामा गुल्मेली एकता समाज सैनामैना १ का सदस्यहरु तथा युवा समाजसेवी नारायण थापाको नगद रु ५ हजार सहयोग सहित रु १५ हजार ३ सय ५० रुपैया नगद र अन्य विभिन्न व्यक्तिहरुलेले जिन्सी र खाधन्न समेत सहयोग गरेको संस्थाका महासचिव पुष्कर भुसालले जानकारी दिनुभयो ।
