बर्दिया जिल्लाको राजापुरमा इलाका प्रहरी कार्यालयको परिसरमा नव निर्मित अस्थायी ट्राफिक प्रहरी पोष्टको उद्धघाटन गरिएको छ ।
आज जिल्ला प्रहरी कार्यालय बर्दियाका प्रमुख प्रहरी उपरिक्षक केदार खनाल , नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय बुटवलका प्रमुख प्रहरी उपरिक्षक श्याम बहादुर खत्री, राजापुर नगरपालिकाका प्रमुख प्रशासकीय अधिकृत दशरथ बुढा, इलाका प्रहरी कार्यालय राजापुरका प्रमुख डिएस्पी सागर बोहरा, शसस्त्र प्रहरी डिएस्पी, जनप्रतिनिधी, पत्रकार लगायतको उपस्थितिमा उक्त पोष्टको उद्धघाटन गरिएको हो ।
पोष्ट निर्माणमा नगरपालिकाको १ लाख, निर्माण व्यवशायीबाट १ लाख ५० हजार, स्थानिय ब्यापारी बाट १ लाख ५० हजार र स्थानिय समाजसेवी बाट रु ५० हजार सहयोग गरि कुल ४ लाख ५० हजारमा करिव १ महिनाको समय अवधिमा अस्थायी प्रहरी पोष्ट निर्माण गरिएको जिल्ला ट्राफिक प्रहरी बर्दियाका प्रमुख प्रहरी निरिक्षक सुधिर कुमार खड्काले बताउनुभयो ।
आजै उक्त ट्राफिक पोष्टका इन्चार्ज ट्राफिक हवलदार देवेन्द्र साँउदलाई उत्कृष्ट कार्य गरे वापत सम्मान तथा पुरस्कार प्रदान समेत गरिएको थियो ।
