जिल्ला कारागार चितवनका ७ सय १३ कैदीबन्दी मध्ये २ सय ३२ कैदी बन्दी घरेलु इलममा लागेका छन् । कार्यालयमा अहिले ४५ महिला र ६ सय ६८ पुरुष छन् ।
अहिले सबैभन्दा धेरै कैदीबन्दी गलैँचा बुन्ने र मुढा बनाउने काममा लागिरहेका छन् । गलैँचा बुन्ने ९१ र ९६ जना मुढा बुन्ने काममा छन् ।यस्तै, यहाँ फर्निचर बनाउने, कपडा सिलाउने,खेलौना बनाउने कपासको बत्ती कात्ने, कपाल काट्ने, नाम्लो, डोरी बुन्ने, सुनचाँदीका गहना बनाउने, पर्स, (ब्याग) बनाउने, कपडा बुन्ने (ऊनीको टोपी, गलबन्दी, स्वेटर बुन्ने), गुडिया, सिरक डसना बनाउने लगायतका काममा उनीहरू लागेको कार्यालयका निमित्त प्रमुख चेतनाथ ढुङ्गानाले बताए ।
उनीहरूले मासिक रु सातदेखि १५ हजारसम्म कमाउने गरेका छन् । उनीहरूले मासिक रु सातदेखि १० हजारसम्म बचाएर घर पठाउने गरेको उनले ढुङ्गानाले बताए ।
