नेकपा एमाले मदाने गाउँ कमिटी अध्यक्ष प्रेम केसीले पृथ्वी माध्यमिक विद्यालय, पुर्कोटदह कक्षा ८ मा अध्ययनरत छात्रा अस्मिता चुदारालाई आर्थिक सहयोग प्रदान गर्दै आइरहेका छन ।
घरको आर्थिक अवस्था अत्यन्तै कमजोर भएर पढ्न सक्ने अवस्था नरहेको कारण आफुले विधालयको शुल्क बाहेक अतिरिक्त खर्च किताब, कपि, ड्रेस लगायत अन्य खर्च वापत वार्षिक १२ हजार सहयोग गर्दै आइरहेको गाउँ कमिटी अध्यक्ष केसीले बताए । ”
अहिले अस्मिता बहिनीले ८ कक्षामा अध्ययन गरिरहनुभएको छ मैले १२ कक्षा सम्म बार्षिक १२ हजारका दरले सहयोग गर्ने भनेको छु । बहिनी अस्मिता चुदाराको शैक्षिक यात्रामा निरन्तर प्रगति होस्, उज्ज्वल भविष्य निर्माणको मार्गमा सफलता मिलोस ” अध्यक्ष केसीले भने ।
अस्मिता चुदाराको विधालयमा लाग्ने भर्ना शुल्क, मासिक शुल्क, परिक्षा शुल्क लगायत विधालयमा लाग्ने सम्पुर्ण शुल्क नलिइ निशुल्क पढाइएको विधालय व्यवस्थापन समितिका अध्यक्ष बसन्त कुँवरले बताए ।
उनले आफु विधालय व्यवस्थापन समितिको अध्यक्ष भए पश्चात समाजमा आर्थिक अभावको कारण पढ्न बाट बन्चित जो कोहीलाई शैक्षिक सुनिश्चितताको निम्ती पहल गर्ने समेत बताए ।
उनले अस्मिता चुदाराको सम्पुर्ण सुल्क मिनाहा गरिएको र त्यस्तै ८ कक्षामै अध्ययन गर्ने घरको आर्थिक अवस्था कमजोर भएकी अर्की छात्रा सुस्मिता बि क को कोचिङ सुल्क मिनाहा गरिएको समेत बताए ।
अध्यक्ष कुँवरले यस महान कार्यमा संलग्न नेकपा एमाले मदाने गाउँ कमिटी अध्यक्ष प्रेम के.सी. लाई धन्यवाद व्यक्त गर्दै नयाँ पुस्तालाई उज्ज्वल भविष्य प्रदान गर्न गरिएको यस उदाहरणीय कार्यले समाजमा सकारात्मक सन्देश प्रवाह गरेको समेत बताए ।
