बुटवल । होटल पौवा प्रालिले आफ्नो ग्राहकलाई लक्षित गरि फाल्गुण १४ गते महाशिवरात्रीको अवसरमा आफ्ना देशभरका १७ वटै शाखामा भजन किर्तनको उल्लासका साथ शिवरात्री उत्सव मनाउने भएको छ ।
‘शिवरात्रीको प्रसाद, पौवाको स्वाद, संस्कृतिको संरक्षण, भजन किर्तनको उल्लास’ भन्ने नाराका साथ महाशिवरात्री वर्ष मनाउने तयारी गरेको होटल पौवा प्रालिका ब्राण्ड प्रमुख बिष्णु भण्डारीले बताउनुभयो ।
नेपाली संस्कृतिलाई जगेर्ना गर्ने र धार्मिक तथा सांस्कृतिक पर्यटनलाई प्रर्वद्धन गर्ने उद्देश्यले यस वर्ष पनि महाशिवरात्रीको अवसर पारेर पौवाका १७ वटै शाखाबाट विशेष भजन किर्तन उल्लासका साथ मनाउन लागिएको होटल ब्राण्ड प्रमुख भण्डारीले बताउनुभयो ।
सोही अवसरमा गुल्मीको रेसुङ्गा स्थित होटल पौवाले पनि यस वर्षको महाशिवरात्रीको दिन भजन किर्तन सहित विशेष कार्यक्रम गर्ने होटल पौवा रेसुङ्गाका म्यानेजर प्रदीप घिमिरेले जानकारी दिनुभयो ।
महाशिवरात्रीको अवसर पारेर फागुन १४ गते बिहान पुजाआजा सहित दिउँसो १ बजेदेखि विशेष भजन किर्तन तथा प्रसाद ग्रहणको कार्यक्रम आयोजना गरिएको घिमिरेले बताउनुभयो ।
