अनिल नेपाली
महिला तथा जनजातिहरुका लागि स्थानीय सामाग्रीबाट अर्गानिक खाना बनाउने तालिम आज देखि अर्घाखाँचीको सन्धिखर्क नगरपालिका वडा नं ७ मा सञ्चालन गरिएको छ ।
तालिमको उद्धघाटन कार्यक्रम सन्धिखर्क नगरपालिका वडा नं ७ का अध्यक्ष चुरा ब.केसीको प्रमुख आतिथ्यतामा सम्पन्न भएको थियो । कार्यक्रममा मन्तब्य राख्दै अध्यक्ष केसीले स्थानीय स्तरमा उत्पादन हुने तथा पाइने वस्तुबाट अर्गानिक खाना बनाउने तालिमले स्थानीयलाई आत्मनिर्भर बनाउने र स्वरोजगार बनाउने बताए ।
अध्यक्ष केसीले स्थानीय उत्पादनको पहिचान हुनेबताउदै यस्ता कार्यक्रमले स्थानीय महिला जनजातिलाई आत्मनिर्भर बनाउन सघाउ पुर्याउने बताउदै तालिम पछि सिकेको सिपलाई ब्यबहारमा उतारी लागू गर्न आग्रह गरेका थिए ।
१० दिन सम्म चल्ने तालिममा स्थानीय १६ जनाको सहभागीता रहेको तालिममा स्थानीय स्तरमा उत्पादन हुने खाधान्न, तरकारी बाट महिलालाई अर्गानिक खाना बनाउने तालिम दिईने वडा सचिब सीता बिसि पराजुलीले बताइन ।
कार्यक्रममा वडा सदस्य डुकलाल पोख्रे , मिना ज्ञवाली , स्वास्थ्य चौकी प्रमुख प्रेमचन्द् विक लगायतको सहभागीता रहेको थियो ।
