५ फाल्गुण,रुपन्देही–
रुपन्देहीको शुद्धोदन गाउँपालिकाले एकिकृत घुम्ती शिविर संचालन गर्ने भएको छ । गाउँपालिकाको आयोजनामा फाल्गुण ५ गते(आज) शुद्धोदन गाउपालिकाका ७ मटेरियामा रहेको जनता मा वि मा उक्त शिविरको आयोजना गरिएको हो ।
शिविरमा विशेषज्ञ डाक्टर द्वारा स्वास्थ्य परिक्षण तथा निशुल्क औषधी वितरण साथै मधुमेह तथा पिसाव परिक्षण, पशु विशेषज्ञ द्वारा पशुपंक्षी जाँच तथा निशुल्क औषधी वितरण, गोवर तथा थुनेलो परिक्षण, पशु बन्ध्याकरण र कृतिम गर्भाधान सेवा, आयुर्वेद उपचार तथा निशुल्क औषधी वितरण, जेष्ठ नागरिक स्वास्थ्य उपचार, सुत्केरी आमाको स्वास्थ्य परिक्षण एवम पोषणजन्य औषधि वितरण गरिने शुद्धोदनगाउपालिकाका प्रमुख प्रशासकीय अधिकृत विष्णु बहादुर घर्तिले बताउनुभयो ।
त्यस्तै कार्यक्रममा कृषि वाली उपचार सेवा तथा निशुल्क औषधी वितरण, मिनिकिट वितरण, उत्कृष्ट कृषक सम्मान तथा प्रोत्साहन कार्यक्रम, जेष्ठ नागरिक परिचय पत्र तथा निशुल्क न्यानो कपडा वितरण, व्यावशाय दर्ता तथा नविकरण र निशुल्क दृष्टि (आँखा) परिक्षण सेवा लगायतका कार्यक्रम मार्फत सेवा प्रवाह गरिने प्रमुख प्रशासकीय अधिकृत घर्तिले जानकारी दिनुभयो ।
पछिल्लो समय शुद्धोदन गाउँपालिकाले नागरिकको सेवा प्रवाह र समग्र पालिकाको विकास निर्माण र सुशासनको निम्ती अनेक कार्यक्रमहरु सार्वजनिक र कार्यान्वयन गर्दै आइरहेको छ ।
