रुपन्देहीको सैनामैना नगरपालिकाको वडा नम्वर १ आदर्श पथ स्थित सैनामैना मेमोरियल स्कुलले पुरस्कार वितरण तथा विविध साँस्कृतिक कार्यक्रम सम्पन्न गरेको छ ।
शुक्रबार आयोजित उक्त कार्यक्रममा आठ सय बढी मेडल , शिल्ड तथा प्रमाण पत्र वितरण गरिएको विधालयका प्राचार्य डि बि खत्रीले बताउनुभयो ।
विद्यालय सञ्चालन समितिका अध्यक्ष बुद्धिमान थापाको अध्यक्षतामा , सैनामैना नगरपालिका वडा न: १ अध्यक्ष भुवन क्षेत्रीको प्रमुख आथित्यतामा सम्पन्न कार्यक्रममा ,जनप्रतिनिधि विभिन्न संघ सस्थाका अध्यक्ष तथा प्रतिनिधिहरु, अभिभावक,शिक्षक तथा बिधार्थीहरुको सहभागिता रहेको थियो ।
कार्यक्रममा प्राचार्य डि. बि. खत्रीले विद्यालको संक्षिप्तमा प्रगति विवरण तथा भावी योजना बताउँदै कर्मशील तथा कुशल शिक्षक–शिक्षिका , कर्तव्यनिष्ठ तथा अटुट माया रभरोसा गरिरहे अभिभावक तथा संस्कारी र सिर्जनशील विद्यार्थीको त्रिपक्षीय तादम्यताको नतिजा यो विद्यालयको प्रगति भएको बताउनुभएको थियो ।
नेपालीको मैलिक सम्पत्ति पञ्चेबाजा , SEE – २०७९/८० सम्मान , ३० भन्दा बढी साँस्कृतिक प्रस्तुति , नाटक, विद्यार्थीहरुका लोभ लाग्दा मन्तव्य , शिक्षक– शिक्षिकको सामुहिक नृत्य लगायतका मनमोहक प्रस्तुति प्रदर्शन गरिएको प्राचार्य खत्रीले बताउनुभयो ।
कार्यक्रमको सञ्चालन अतिरिक्त क्रियाकलाप विभाग प्रमुख प्रकाश चौधरीले गर्नुभएको थियो ।
