अनिल नेपाली
प्रणय दिवस अर्थात् ‘भ्यालेन्टाइन डे’ मा युवक–युवतीले एकआपसमा आफूले मन पराएको केटा वा केटीलाई प्रेम प्रस्ताव राख्ने गर्दछन् ।
रुकुमपूर्वमा जिल्लाको भूमे गाउँपालिका वडा नं.३ सुन्तलावारि घर भएका अखिल क्रान्तिकारी रुकुम पूर्वका अध्यक्ष चन्द्र रसाइलीले अन्तरजातीय विवाह गरेका जोडीलाइ सम्मान गरेका छन् ।
गाउँ समाजमा जरा गाडेर बसेको जातीय विभेद र परम्परागत सोचलाई तोड्न रसाइलीले भूमे ३ सिमाका स्याम कुमार सुनार र उनकी प्रेमी जुनतारा पुनलाई समाजमा उदाहरणीय जोडिलाई प्रणय दिवसअवसर पारेर सम्मान गरेका हुन् ।
अहिलेको २१ औँ शताब्दीको युगमा पनि समाजले जातको कुरा गर्दै बसेको छ। अन्तरजातीय विवाहलाई सहज बनाउन सरकारले नीतिगत रुपमा परिवर्तन आवश्यक रहेको रसाइलीले बताए ।
नौ वर्ष पहिले प्रेम विहाह गरेका स्यामकुमार र जुनताराको उदाहरणीय जोडीलाई अझैसम्म माईती पक्षले स्वीकार्न नसकेको जुनताराले बताए । समाजले हामीलाई हेर्ने दृष्टिकोण फरक छ । तर पछिल्लो समयसँगै हाम्रो संघर्षले परिणाम देखाईदिएको छ यो नै हाम्रो खुसी हो ।
यसरी सम्मान पाउदै स्यामकुमारले भने माईती पक्षले नस्वीकारे पनि प्रेमी जुनतारा र म खुसीको जीवन विताई रहेका छौँ । नेता रसाइलीले सुन्दर अन्तरजातीजोडिको तस्बिरमा समाजको उदाहरणीय बनेको शुभकामना लेखेका छन् । नेता रसाइलीले समाजमा पछडिएको वर्ग र समुदायको आवाज उठाउँदै आएका छन ।
