३० माघ, काठमाडौं । मेलम्ची खानेपानीको आपूर्ति सञ्जालको पाइप फुट्दा काठमाडौंको बबरमहलमा जलमग्न भएको छ ।
बुधबार दिउँसो साढे दुई बजेतिर मेलम्ची खानेपानीको पाइप फुटेपछि जिल्ला अदालत काठमाडौं,विशेष अदालत र वन परिसर भित्र पानी पसेको छ । त्यस्तै सडकमा पानी निस्किँदा जाम पनि भएको छ।
मेलम्ची खानेपानी सञ्जालको पाइप फुटेको जानकारी दिदै रेगुलर (नियमित आपूर्ति) तर्फको पाइप फुटेको हो कि, थोक वितरण प्रणाली (बिडिएस) को पाइप फुटेको यकिन भै नसकेको काठमाडौं उपत्यका खानेपानी लिमिटेडका प्रमुख कार्यकारी अधिकृत अशोक कुमार पौडेलले जानकारी दिए ।
कहाँको पाइप फुटेको हो बुझ्न कर्मचारी परिचालन गरिसकेका छौं कार्यकारी अधिकृत पौडेलले भने ।
