फेब्रुअरी १२ फुकुओका जापान – गुल्मेली समाज जापान क्युस्यु क्षेत्रिय कार्यसमिति रमेश कुँवरको नेतृत्वमा गठन भएको छ । २०२५फेब्रुअरी ११ तारीकका दिन सम्पन्न भएको अधिवेशन बाट लामो समयदेखी फुकुओकामा व्यापार व्यवसाय गर्दै आएका सफल व्यवसायी रमेश कुँवर समितिको अध्यक्ष बनेका छन ।
त्यस्तै उक्त समितिको उपाध्यक्षहरुमा प्रकाश न्यौपाने, नविन जिसी, सुरेश भण्डारी, मनोज थापा र विष्णु थापा रहेका छन भने सचिबमा सुमन ज्ञवाली, सह सचिबमा दिपक खरेल, कोषाध्यक्षमा रामचन्द्र गिरी, सह-कोषाध्यक्षमा सुवास सेन, सदस्यहरुमा विशाल पाण्डे, नविन खरेल, किरण श्रेष्ठ, सुमन श्रेष्ठ, राजन ज्ञवाली, प्रदिप ज्ञवाली र शारदासेन गरी १८ सदस्यीय कार्यसमिति गठन भएको छ ।
साथै छिट्टै नै नव निवार्चित कार्यसमितिको पहिलो बैठकले ३ जना सदस्य मनोनितगरी कार्यसमितिलाई पुर्णता दिने जानकारी गुल्मेली समाज जापानका उपाध्यक्ष ज्योती केसीले दिनुभयो ।
फुकुओकाको हाकातामा भएको विषेश कार्यक्रममा गुल्मेली समाज जापानका अध्यक्ष महेन्द्र कुमार अधिकारीको सभापतित्व, गुल्मेली समाज जापानका पुर्वअध्यक्ष तथा सल्लाहकार सालिकराम भण्डारीको प्रमुख आतिथ्यता र गुल्मेली समाज जापानका प्रवत्ता दिलीप थापाको संचालन र गुल्मेली समाज जापानका उपाध्यक्ष ज्योती केसीको स्वागत मन्तव्यमा सम्पन्न भएको थियो ।
उक्त कार्यक्रममा फुकुओकाका विभीन्न संघसंस्थाहरुको प्रतिनीधिहरु र फुकुओकामा बसोबास गर्ने गुल्मेलिहरु गरी करीब १०० जनाको उपस्थितीमा सम्पन्न भएको थियो ।
गुल्मेली समाज जापानले स्थापना काल देखि नै विभिन्न सामाजिक कार्यहरु गर्दै आइरहेको र आगामी दिनमा गुल्मेली समाज जापानको विधानमा रहेर देशमा होस या विदेशमा सामाजिक कार्य गर्नमा अग्रसर रहि संस्थालाई उचाइमा ल्याउने योजना रहेको नव निर्वाचित अध्यक्ष रमेश कुँवरले बताउनुभयो ।
