१० फेब्रेवरी,फुकुओका – आफ्नो जिल्ला,आफ्नो गाउँ ! सबै मिली बनाऔं ! भन्ने नाराका साथ बिभिन्न पेशा व्यावशाय जागिर र अध्ययन गर्दै जापानमा बसोबास गर्दै आइरहेका गुल्मेलीहरुले जापानको फुकुओकामा पहिलो पटक गुल्मेली समाज जापानको गठन गर्न लागेका छन ।
जापानमा क्रियाशिल रुपमा रहेको गुल्मेली समाज जापानले आफ्नो क्षेत्रिय समितिको रुपमा फुकुओका क्युस्युमा २०२५ फेब्रुअरी ११ तारीकका दिन प्रथम अधिवेशन गर्न लागेको गुल्मेली समाज जापानका उपाध्यक्ष ज्योती केसीले जानकारी दिनुभयो ।
फुकुओकामा एभरेस्ट खारे फोरेओ हाकाता हलमा दिनको २ बजेबाट एक विशेष कार्यक्रमका बिच क्षेत्रिय समिति गठन हुन लागेको हुँदा सम्पुर्ण क्युस्युबासी गुल्मेलीहरुलाई क्युस्यु प्रथम अधिवेशनमा उपस्थितीको लागी उपाध्यक्ष केसीले अनुरोध समेत गर्नुभएको छ । गुल्मेली समाज जापानका उपाध्यक्ष ज्योती केसी यसै अनलाइन मिडिया पावर संचार मिडियाका अध्यक्ष समेत हुनुहुन्छ ।
यसै अधिवेशनको लागी केन्द्रबाट अध्यक्ष महेन्द्र कुमार अधिकारी सहित पुर्व अध्यक्ष, वर्तमान उपाध्यक्ष तथा केन्द्रिय कार्यसमितीका पदाधिकारी तथा सदस्यहरु आज फुकुओका आउने उपाध्यक्ष केसी ले जानकारी दिनुभयो ।
हाल जापानमा दिनहु नेपालीहरुको संख्यामा उल्लेख्य वृद्धि भएसँगै विभीन्न जातिय, भेगीय, क्षेत्रिय संस्थाहरुको पनि उल्लेख्य वृद्धि भैरहेको बताइएको छ ।
