राष्ट्रिय मुक्ति पार्टी नेपालका अध्यक्ष राजेन्द्र महतोले आफ्ना कुकर्म लुकाउनको लागि कांग्रेस र एमाले मिलेर बर्तमान सरकार बनाएको आरोप लगाएका छन् ।
कपिलवस्तुमा आयोजित बृहत् जिल्ला भेला कार्यक्रममा मन्तब्य राख्दै पुर्व उपप्रधानमन्त्री समेत रहेका महतोले यस्तो बताएका हुन । नेता महतोले संसद्का ठूला दल नै मिलेर सरकार बनाएपछि लोकतान्त्रिक मूल्य र मान्यता भत्किएको दाबी गदै अहिले देशको अवस्था कुनै पनि कोणबाट ठीक नरहेको टिप्पणी गरे ।
महतोले अहिले देशको सभ्यता र संस्कृति माथि नै प्रहार भैरहेको भन्दै उनले देशलाई अहिलेको अवस्थामा पुर्याउनको लागि कांग्रेस, एमाले र माओवादी तीन ठूला दल मुख्य जिम्मेवार रहेको आरोप लगाए ।
महतोले यतिवेला देश दौडाह थालेका छन् । विभिन्न पार्टीका नेता तथा कार्यकर्ता आफ्नो दलमा भित्र्याउने अभियानमा महतो सक्रिय देखिएका छन् । कार्यक्रममा पार्टीका केन्द्रीय सदस्य रवि दन्त मिश्र लगायतका नेता कार्यकर्ताको ठुलो सङ्ख्यामा उपस्थिति रहेको थियो।
