अर्जुन थापा
रुपन्देही – नेपाल सरकारले सैनामैना नगरपालिका, रुपन्देहीको वडा नं. १० स्थित राष्ट्रिय वनको ३.५ हेक्टर जग्गा फोहोर व्यवस्थापन केन्द्र निर्माणका लागि प्रयोग गर्न स्वीकृति दिएको छ । मंगलबार बसेको मन्त्रिपरिषद बैठकले उक्त निर्णय गरेको हो, जसले बर्षौ देखि भोगाधिकार अभावमा रोकिएको फोहोर व्यवस्थापनको काम अघि बढाउने बाटो मन्त्रीपरिषद बैठकले खुल्ला गरेको छ
पछिल्लो पटक नगर प्रमुख फणेन्द्र प्रसाद शर्मा, उप प्रमुख बिना राना र प्रमुख प्रशासकीय अधिकृत जीवन ज्ञवालीको पहलमा सरकारलाई आग्रह गरिएको थियो, जसअनुसार मन्त्रिपरिषद्ले वन क्षेत्रको उक्त जग्गा फोहोर व्यवस्थापन केन्द्र निर्माणका लागि उपयोग गर्न स्वीकृति दिएको छ । सैनामैना नगरपालिकाका प्रथम नगर प्रमुख चित्रबहादुर कार्कीको कार्यकालमै अघि बढेको यो आयोजना भोगाधिकार नपाएकै कारण अलपत्र परेको थियो ।
यो परियोजनाले फोहोर व्यवस्थापनको पुरानो समस्यालाई हल गर्दै नगरलाई स्वच्छ, हरियाली र वातावरण मैत्री बनाउन महत्वपूर्ण योगदान पुर्याउने अपेक्षा गरिएको छ साथै यो कार्यनयन र निर्माण हुन कति समय लाग्ने भने बिसयमा चाहिँ जनमानसले चासोको बिसयमा हेरेको देखन सकिन्छ । यस निर्णयसँगै बुटवल, सैनामैना, गैडहवा र कञ्चन गाउँपालिकाको फोहोर सैनामैना–१०, एकला पहाडमा निर्माण हुने व्यवस्थापन केन्द्रमा संकलन तथा प्रशोधन गर्न सकिनेछ।
नेपाल सरकारले लिएको यस निर्णयले सैनामैना नगर र आसपासका क्षेत्रको फोहोर व्यवस्थापनको दीर्घकालीन समाधान ल्याउनेविश्वास गर्न सकिन्छ । यो परियोजना सफल कार्यान्वयन भएमा फोहोर व्यवस्थापनको दृष्टिले सैनामैनाको लागि उत्कृष्ट कार्या हुनेआकलन गर्न सकिन्छ ।
