अनिल नेपाली
जिल्ला प्रहरी कार्यालय अर्घाखाँचीले पाणिनी गाँउपालिका वडा नम्बर ८ हाँडिकोट बाट भरुवा बन्दुक सहित २ जनालाई पक्राउ गरेको छ।
पक्राउ पर्नेमा सोहि वडाका ४१ बर्षिय सुरेश कुमाल र ३० वर्षिय कमल कुमाल रहेको जिल्ला प्रहरी कार्यालय अर्घाखाँचीका प्रहरी नायव उपरिक्षक चक्र बहादुर मल्लले जानकारी दिनुभयो ।
उनीहरुको साथबाट भरुवा बन्दुक ,बन्दुकमा प्रयोग हुने बारुद जस्तो धुलो पदार्थ, केप, विभिन्न साईजको स्टिलको छर्राहरु र रडबाटबनेको छर्राहरु सहित पक्राउ गरिएको हो ।
जस अन्तर्गत भरुवा बन्दुक १ थान ,स्टिलको छर्रा २७ थान , स्टिलको वेरीङ थान १सय७४, रड काटी बनाईएको छर्रा थान ८७ ,कालोधुलो पदार्थ ,भरुवा बन्दुकमा प्रयोग हुने केप ७ थान,फलामको पिलास १ थान ,स्टिलको चक्कु १ थान प्रहरीले उनीहरुबाट प्रहरीले नियन्त्रणमा लिएको हो ।
गस्तीमा खटेको प्रहरीले जंगलबाट उनीहरुलाई पक्राउ गरेको हो ।अर्घाखाँची जिल्ला अदालतबाट हात हतियार खरखजाना सम्बन्धी कसुरमा म्याद थप लिई अनुसन्धान कार्य भईरहेको प्रहरी नायव उपरिक्षक मल्लको भनाइ छ ।
