बुटवल । सामाजिक कार्य गर्दै आइरहेको कान्छी माया तामाङ्ग फाउन्डेसनकाले गुल्मीको मदाने गाउँपालिका १ अग्लुङ्ग स्थित घडेरी प्राथमिक बिद्यालयका ९४ जना विद्यार्थीलाई न्यानो स्वीटर उपलब्ध गराएको छ ।
स्थानीय घडेरी निपाने स्वास्थ इकाइका अहेब सेर बहादुर खडका र स्थानिय बिबश मल्लको समन्वयमा फाउण्डेसनका व्यवस्थापक डा.दिल बहादुर तामाङ्ग द्वारा विद्यार्थीलाई नि:शुल्क न्यानो कपडा वितरण गरिएको हो ।
वडा अध्यक्ष सुशील चन्द सहित विद्यालय व्यवस्थापन समिती र अभिभावकहरुको उपस्थितिमा व्यवस्थापक तामाङ्ले बिद्यार्थीहरुलाइ न्यानो स्वीटर बितरण गरिएको स्थानिय बिबस मल्लले जानकारी दिए ।
स्वर्गीय आमाको स्मृतीमा स्थापना भएको कान्छी माया तामाङ्ग फाउन्डेसनले विभिन्न सामाजिक काम गर्दै आएको छ । कान्छी माया तामाङ्ग फाउन्डेसनको पहलमा अहिले सम्म ७ सय ५० जना बाढी पहिरो पिडितलाइ राहात वितरण गरिसकिएको छ ।
यसअघि यसै बिधालयका बिद्यार्थी सागर चन्दलाई जलनको निशुल्क उपचारमा सहयोग गरेका डा. तामाङले आउने बर्ष विद्यालयमा अक्षयकोष संचालन गर्ने घोषणा गरेका छन । डा. तामाङले जलनको बिरामी सागरलाई हरेक बर्ष अध्ययन गर्न ३ हजारको दरले रकम उपलब्ध गराउदै आइरहेका छन ।
