उ९ माघ, बुटवल । गुल्मीको मदाने गाउँपालिका वडा नं ६ पुर्कोट दह निवासी तारा प्रसाद श्रेष्ठको होटेलमा विधुतको तार सर्ट भएर आगलागी भएको छ ।
आगलागीका कारण मानवीय क्षति नभए पनि होटेलभित्र रहेका इलेक्ट्रोनिक्स सामग्री, लत्ताकपडा, ग्याँस चुलो, पलङ लगायतका सामान पूर्ण रूपमा जलेर नष्ट भएको वडा सदस्य बसन्त कुँवरले बताउनुभयो ।
करिव ३ महिना अगाडी निर्माण सम्पन्न भएको उक्त होटलमा विधुत सर्ट हुँदा आगलागी भएको र आगलागी बाट के कति रुपैँया बराबरको क्षति भयो त्यसको अनुसन्धान भैरहेको वडा सदस्य कुँवरले बताउनुभयो ।
आजै मदाने गाउँपालिकाको वडा नं २ होलवाङ्मा स्थानिय गोविन्द के.सी. को हिउँदे गोठमा आगलागी हुँदा पशु चौपाया जोगिएको तर गोठ र घाँस जलेर पुर्ण रुपमा नष्ट भएको स्थानिय यमलाल भुशालले बताउनुभयो ।
