९ माघ, बुटवल | गुल्मीको धुर्कोट गाउँपालिका ६ कमेरेपानीमा स्थानिय शारदा थापाको गोठमा बिहान ७ बजे आगलागी हुँदा करिब १ लाख बराबरको क्षति भएको छ ।
भैंसीलाई कुडो पकाउन गोठमा बालेको आगोको कारण आगलागी भएको वडा अध्यक्ष कृष्ण नेपालीले जानकारी दिनुभयो । आगलागीबाट गोठको छानो पुर्ण रुपमा जलेर क्षति हुनुको साथै ५० भारी खर, ३० भारी नल, २० भारी पोस्कर, टिन, डाँडा, र भाटा नष्ट भएका छन ।
डेढ वर्षअघि मात्रै निर्माण गरिएको गोठ पूर्ण रूपमा क्षतिग्रस्त भएको छ । गोठभित्र रहेका १ भैंसी, १ पाडो, ३ बोका, र ७/८ वटा बाख्रालाई स्थानीयले सकुशल उद्धार गर्न सफल भएको अध्यक्ष नेपालीले बताउनुभयो ।
आगो नियन्त्रणका लागि स्थानीय बासिन्दा सक्रियताको कारण करिब १ घण्टाको प्रयासपछि आगो नियन्त्रणमा लिइएको अध्यक्ष कृष्णबहादुर नेपालीले जानकारी दिनुभयो।
