१७ पौष, बुटवल-बुटवल उद्योग वाणिज्य संघले यहि पुस ३ गतेदेखि सञ्चालन गरेको औधोगिक ब्यापार मेलामा आयोजना गरिएको खुल्ला लोक दोहोरी गित प्रतियोगितामा खस्यौली रोधी क्लव बुटवल प्रथम भएको छ ।
गत बुधबार भएको फाईनल प्रतिस्पर्धामा दरवार रोधी क्लव काठमाण्डौलाई पछि पार्दै खस्यौली प्रथम भएको हो । प्रतियोगितामा दरवार रोधी क्लव द्वितीय भएको छ । त्यसैगरी राष्ट्रिय लोक तथा दोहोरी गित प्रतिष्ठान पाल्पा र राष्ट्रिय लोक तथा दोहोरी गित प्रतिष्ठान वागलुङ समान अंक सहित तृतीय भएका छन् ।
प्रतियोगितामा प्रथम हुने खस्यौली रोधी क्लव बुटवलको समुहलाई ७५ हजार रुपैंया नगद पुरस्कार सहित प्रमाणपत्र तथा गिफ्ट ह्याम्पर प्रदान गरिएको छ । त्यसैगरी द्वितीय हुने दरवार रोधी क्लव काठमाण्डौंको समुहलाई ५० हजार, तृतीय हुने राष्ट्रिय लोक तथा दोहोरीगित प्रतिष्ठान पाल्पा र राष्ट्रिय लोक तथा दोहोरी गित प्रतिष्ठान वागलुङको समुहलाई समान १८ हजार हजार रुपैंया नगद पुरस्कारसहित प्रमाण पत्र प्रदान गरिएको मेला प्रचार प्रसार उपसमितिका संयोजक दीपकप्रसाद चापागाईले जानकारी दिए ।
त्यसैगरी मेलामा आयोजना गरिएको टिकटक प्रतियोगितामा टिकटकर नेत्र न्यौपाने प्रथम, ऊसा खत्री द्वितीय र गणेश सापकोटा तृतीय भएका छन् । टिकपटक प्रतियोगितामा प्रथम, द्वितीय र तृतीय हुने टिकटकर न्यौपाने, खत्री र सापकोटालाई क्रमशः २० हजार, १० हजारर ५ हजार रुपैंया नगद पुरस्कार सहित प्रमाणपत्र र गिफ्ट ह्याम्पर प्राप्त गरेको मेला प्रचार प्रसार उपसमितिका संयोजक चापागाईले जानकारी दिए ।
